الرئيسيةقائمة الاعضاءالتسجيلدخول

شاطر | 
 

 اجمد مجموعة نكت على مستوى جميع المنتديات عندنا وبس

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
الرايق
فورستى جديد
فورستى جديد


ذكر السرطان عدد المساهمات : 7
نقاط : 11
تاريخ الميلاد : 23/06/1991
تاريخ التسجيل : 28/07/2010
العمر : 25
مــزاجــى :
الهويات :
المهنة :

مُساهمةموضوع: اجمد مجموعة نكت على مستوى جميع المنتديات عندنا وبس   الجمعة أغسطس 20, 2010 12:24 am

بسم الله الرحمن الرحيم

عودة ليكم بعد غياب كام ساعة مش كتير يعنى

المهم انا جايب النهاردة اكبر موسوعة نكت مضحكة ومش فيها ولا نكتة بايخة

انا لامم كل النكت الحلوة وحاططها فى الموضوع ده

وارجو لو اى عضو عنده نكت حلوة يضعها فى الردود وانا ان شاء الله هضفها للموضوع عشان الموسوعة تبقى متكاملة

عشان كده تعتبر موسوعة جامدة

وانتظرونى فى موسوعة الكاريكاتير قريبا

نبدا واضحك للصبح:::

اول مجموعة نمت بتاريخ

بتاريخ 19-06-2008



واحدة ضاع ابنها الناس قالولها ماتخفيش الحلال مابيضعش قالت يالهوى ضاع الولد



ندل راح المقابر شغل شريط الحياة حلوة


لغز؟؟ شىء له جناحين وما يطير، له عينين ومايشوف ، له رجلين وما يمشى..ياترى ايه هو؟؟ عصفور ميت



واحد أسمه نادر أتجوز واحده اسمها فريدة , خلفوا عيل مهدد بالأنقراااااااااض

*****

واحد كهربائى اتجوز أربعة.......جابلهم مشترك

*****

بياع جرايد ماشي ف جنازة أبوه عمال يقول "اقرا الفاتحة اقرا الفاتحة

*****

مدرس إنجليزي بيسأل تلميذ "جوز هند بالإنجليزي يعني إيه؟" قال له "كوكونت"، الأستاذ قال له "حطها ف جملة مفيدة" قال له "كوكونت من الشباك.

*****

مدرس جغرافيا جاب لمراته هدية سلسلة جبال

*****

واحد بيقول لصاحبه : اخويا استشهد في الحرب .
الثاني قاله ازاى ؟ اجابه : كان بيسوق طائرة هليكوبتر فشعر بالبرد...راح وقف المروحة ..

*****

فيه واحد بلديتنا لمّ قرشين وراح مسافر بلاد بره ..لما وصل قعد يدور على اوتيل ملقاش فنام جنب حديقة فسرقوا فلوسه وقصوا كل شعره ..
.فلما قام ملقاش الفلوس فأعد يعيط فحط ايده على راسه ملقاش شعره فقال : الحمد لله مش انا





واحد مخنوق من الدنيا كلها رن جرس الباب الساعة 10 صباحا فتح
الباب لقى وحدة مذيعة بتقله ممكن نعرف بتعمل ايه لما تقوم من النوم
قال انا بقوم من ام النوم
اروح ام الحمام
افتح ام الحنفية
اغسل ام وشى
اروح ام الغرفة
اقلع ام الترنج
البس ام البنطلون
انزل من ام الشقة
اركب ام الاتوبيس
انزل من ام الاتوبيس
اروح ام الشغل
وبعد ما اخلص ام الشغل
ارجع ام البيت وخلاص
فقالت المزيعة شكرا يا فندم ويلعن ام البرنامج اللى خلانا نشوف
ام وشك

***

واحد صعيدي كان مسافر فلما وصل المطار لقاهم مركبين جهاز جديد عبارة عن مرايا لما تقف قدامها تعرف عنك كل حاجة, فالصعيدي انبسط و راح وقف قدام المرايا
المرايا قالت: أنت هريدي من الصعيد و عندك طيارة كمان نص ساعة
الصعيدي اتبسط و راح لبس خواجه و راح تاني وقف قدام المرايا,
المرايا قالت: انت هريدي من الصعيد و عندك طيارة كمان ربع ساعة
الصعيدي راح لبس خليجي و راح تاني وقف قدام المرايا
المرايا قالتله, ايوة انت هريدي من الصعيد خليك قاعد تستهبل كده لحد ما الطيارة تروح عليك

***
ابو العربى قابل مذيعة قالت له انا سمعت كتير عن بطولاتك فى الحرب...
قالها طبعا ابو العربى يسد فى كل مكان فى 48 واليمن و56 و67 و73 والعراق...
قالت المذيعه طب هأسألك كام سؤال...
- لو انت فى الحرب وطلع عليك دبابتين ومعاك قنبلتين هتعمل ايه؟
-قالها: هادخل عليهم وأفجرهم
-طيب لو خمسه؟؟؟؟؟؟
قالها: هادخل عليهم بالسلاح الأبيض
-طيب لو اربع دبابات... و عشر عساكر... وطيارتين؟
قالها جرى ايه يا وليه هو مفيش حد بيحارب غيرى وللا إيه؟؟؟

***

صحفيه تجرى لقاء مع واحد من ملاّك الأبقار
الصحفية : أنت بتأكــــل البقر إيه؟
المزارع : انهي فيهم البيضا ولا الحمرا؟؟
قالت : البيضا
قال : البيضا بأكلها برسيم
قالت : والحمرا
قال : و الحمرا برضو برسيم
قالت : طيب بتسكنهم فين؟
قال : انهي فيهم البيضا ولا الحمرا؟؟
قالت : البيضا
قال : البيضا بسكنها في الحوش الي هناك
قالت : والحمرا
قال : و الحمرا برضو بسكنها في الحوش نفسه
قالت : طيب لما بتفسحهم بتعملهم إيه؟
قال : انهي فيهم البيضا ولا الحمرا؟؟
قالت : البيضااااااااااااا
قال : البيضا بلف بيها حول الترعه لفتين
قالت : والحمرا
قال : و الحمرا برضو بلف بيها حول الترعه لفتين
قالت : انتا ليه كل مره اسئلك بتقولي انهو فيهم انهو فيهم
وفي الاخر بتعاملهم زي بعض؟
قال : اصل البقره البيضا بتاعتي
قالت : والحمرا؟؟
قال: والحمرا برضو بتاعتي

***

وحدة حامل فى ثلاث توائم يوم الولادة الدكتور بيطلع العيل الأول لقاه نايم وساكت
قعد يضريه على وشه حتى صرخ الطفل ركنه على جنب وطلع الطفل الثانى لقاح زى أخوه قعد يضربه لما فاق وركنه
جه الدكتور يدور على الطفل الثالث مش لاقيه راح ماشى وقال للممرضة كملى لأنهم اثنين بس
الممرضة جت تكمل لقت الطفل الثالث طالع براسه بالراحة وبيسألها
هو الراجل اللى بيضرب العيال مشى ولا لسة

***

مرة واحدة تتدلع على زوجها وتغنيله اغنيه نانسي عجرم ' إهدى حبيبى كدة وأرجع زى
زمان'، الراجل طلقها و رجع لأيام العذوبية

***

واحد بيقول لمراته ... انا النهاردة عايز رومانسية فى البيت ...
راحت الزوجة سألت امها : يعنى ايه رومانسية يا ماما؟؟
الام : مش عارفة بس احتياطى إنقعى الرز

***

مرة واحد قال لصاحبه 'عاوز أعمل مفاجأة لمراتي فى
عيد جوازنا'

صاحبه : 'هتعمل لها إيه؟'
'حوديها
الصين'

'يا راجل فى
عيد جوازكوا العاشر توديها الصين، أومال فى عيد جوازكوا الخمسين هتعمل ايه؟!!!!!!'

'حروح اخدها ! '

***
اليسا وهيفاء وهبي ونانسي عجرم راكبين قطار
وبيتكلموا عن فارس أحلامهم
إليسا قالت : نفسي أتجوز ضابط هيفا قالت :
نفسي أتجوز صيني نانسي قالت :
نفسي أتجوز لاعب كرة مشهور
سمعهم واحد
دخل عليهم وقالهم معاكوا العقيد شونج يونج الشهير بأبوتريكة

***

صعيدي مراته ولدت بنت الساعه 3 بعد نص الليل ...دبحها وجال ماعنديش بنات
تيجى آخر الليل

***

حشاش بيقول لصاحبه :
أنا حلمت امبارح أننا بقينا فنانين
.. أنت فنان تشكيلي ..... وأنا فنان أشكيلك

***

واحدة بتقول لجوزها اطرد السواق كان حيموتني مرتين في حادثة قال لها
خلينا نديه فرصة ثالثة

***

مره واحد تاجر كتاكيت ماشي بالعربيه وفيها كتاكيت وقفته لجنه تموين وقال له المفتش: الكتاكيت دي بتأكلهم ايه؟ رد عليه وقال له : ذرة يا بيه..... فقال له المفتش انتو ما بتفهموش حاجة الكتاكيت دي بتاكل علف........ وراح عمله غرامة 1000 جنيه.... راح مشي التاجر بالعربيه وهو في الطريق وقفته لجنه تموين تاني وقال له المفتش انتي بتوكل الكتاكيت دي ايه قال له رد عليه بوكلهم علف يا بيه فقال له المفتش انتي حمار انتي بهيم دي بتاكل ذدرة وعملل له غرامه 1000 جنيه وبعد شويه وهو ماشي وقفته لجنه تموين تاني وقال له المفتش انتي بتوكل الكتاكيت دي ايه قال له يا بيه انا كل يوم الصبح ادي كل كتكوت جنيه وهو ياكل اللي عايزه

ثلاثة مساطيل قاعدين في سهرةالأول : أنا عندي فلوس أشتري فيها أمريكا الشماليةالثاني : وأنا عندي فلوس أشتري فيها أمريكا الشمالية و الجنوبيةالثالث : ومين قالكم إني هابيع


ظابط مسك واحد مسطول بالليل كان معاه حشيش سأله انت بتشرب حشيش؟ قاله ايوه يا باشا،وبتاجر فيه كمان؟ قاله ايوه ، تاني يوم اتعرض على النيابة سأله وكيل النيابة انتبتشرب حشيش؟ قاله لا يا بيه، طب بتاجر فيه؟ قاله لا يا بيه قاله ليه قلت للظابط كده؟ قاله كنت مسطول يا بيه


مدرس انجليزى بيسأل تلميذ بيقوله لو عايز تقول لواحد تعالى هنا تقوله ايه؟ قاله : اقوله come here قاله : ولو عايز تقوله ارجع هناك تانى ؟ قاله : الف من الناحية التانية واقوله come here.

عريس مسطول على الآخر في يوم فرحه..بعد المعازيم مامشيوا دخل البيت لقى العروسة قاعدة، قال والله انا كنت عارف في الهيصة دي هاينسوا حد!

اهبل مشترك في مسابقة أسرع رسمة رسم نقطة وقال: ده فيل جاي من بعيد

اثنين سكرانين واحد بيقول للتاني ليه القطار مهم ؟؟؟
التاني : لأنه تحته خطين

الناظر: جملة أنا رجل.. ضعها في صيغة الماضي.
الطالب: أنا عيل

واحد بيسأل خطيبته : حد قبلى لمسك ؟ سكتت قالها : زعلتى قالت له : بأعدهم

صعيدي سألوه ماهو السيفون؟؟قال:صندوق بحبل لما تشده ياتلحق تشرب يا متلحقش.

صعيدي اخد شهادة الدكتوراة قال لمراته والله ما خبرشي ليه الناس بيضحكوا عالصعايدة؟ اديني جبت الدكتوراة فقالت له مراته : دق عالخشب لا تصيبك عين قام دق عالخشب قالت : مين عالباب؟ قالها خليكي هنه حشوف
مين
مره واحد بيقول لمراته اعملى حسابك هنتغدى بره جه من الشغل لقاها حطه الاكل فى الشارع

مسطول راح المحكمةالقاضى بيسأله انت متجوز مين؟ قاله:متجوز واحدةست القاضي قاله أنت هتهرج؟ أمال في حد بيتجوز راجل؟ قاله:أه اختى



... محشش سايق إسعاف في الحرب نقل 35 قتيل

! سمع في الراديو سقوط 30 قتيل

! وقف وفتح الباب وقال: الخمسه اللي يستهبلون ينزلون دلوقتي





!! محشش إشترى لأمه عصفورين

!! واحد يغرد والثاني ساااكت

!!سألته أمه : ليه الثاني ساكت ؟

! قالها ده الملحن



خمس محششين قاعدين يصلون

واحد عطس قال : الحمد لله

قال الثاني : يرحمك الله

قال الثالث : مايجوز تتكلمون

قال الرابع : كل صلاتكم غلط

قال الخامس : الحمدلله أنا ماتكلمت



مره واحد عدى على واحد صاحبه بخيل اوى...... لقاه حاطط ايده على عين الشمال وبيبص بالتانيه... بيقوله مال عينك ؟ قالوا م انا شايفك بواحده . اشغل التانيه ليه


مين أكثر إنسان صابر في الدنيا؟؟؟ صعيدي ينتظر إليسا علي قناة إقرأ.

كان فى أحد الأيام الطريفة على طريق مصر الاسكندرية الصحراوى راجل ماشى يعنى بعربية فيت وحمرا كمان فعطلت منه فى الطريق بص يمين وبص شمال وهو حيران يعنى عدة عليه واد طبعا روش وجميل كده راكب عربية بى إم فقالوه بص ياعمو أنا هسحبك للرست قالو ماشى الشاب الروش قالوه بس بص لو لقيتنى سرعت رعشلى نور علشان أنا بسرح قالو ماشى وهما مشين عدى عليهم شاب روش ثانى بس راكب عربية مرسيدس وعدى عليهم بسرعة رهيبة الشاب ألى راكب بى إم قال إزاى وسرع وراه أما بتاع الفيت يعينى قاعد يرعش نور وعدوا على كمين الظابط طبعا طلع الاسلكى وقال للكمين الثانى هيعدى عليك عربيتنين واحد بى إم والثانية مرسيدس هات الكلب الى وراهم بتاع الفيت قاعد يرعشلهم نور عايز يعديهم ......؟ هههههه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
????
زائر



مُساهمةموضوع: رد: اجمد مجموعة نكت على مستوى جميع المنتديات عندنا وبس   الجمعة أغسطس 27, 2010 9:52 pm

رووووووووووووووووووعة

ههههههههههههه

و الله تووحفة
الرجوع الى أعلى الصفحة اذهب الى الأسفل
رمزى
بيفكر يفهم
بيفكر يفهم


ذكر الثور عدد المساهمات : 27
نقاط : 59
تاريخ الميلاد : 21/05/1989
تاريخ التسجيل : 16/07/2010
العمر : 27

مُساهمةموضوع: رد: اجمد مجموعة نكت على مستوى جميع المنتديات عندنا وبس   الخميس سبتمبر 02, 2010 5:27 am

ياجامد
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
اجمد مجموعة نكت على مستوى جميع المنتديات عندنا وبس
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
فورست ستارز ForestStars :: القسم العام :: غرائب وطرائف-
انتقل الى: